მწვანე ციებ-ცხელება. წყარო: რადიო თავისუფლება

სამ საათს გასტანა 26 აგვისტოს თბილისის საკრებულოში სხდომა, სადაც ქალაქის მერმა დავით ნარმანიამ “გამწვანებული ტერიტორიების განკარგვისა და მოვლა-პატრონობის საკითხზე” ილაპარაკა. სხდომამ ინცინდენტების თანხლებით ჩაიარა. პარალელურად, თბილისის მერიასთან, პარტიზანი მებაღეების ინიციატივით, გროვდება ხელმოწერები ეკოლოგიისა და გამწვანების საქალაქო სამსახურის ხელმძღვანელობის გადაყენების მოთხოვნით. ამასთანავე, მიმართვას ავრცელებენ გარემოს დაცვის საკითხებზე მომუშავე არასამთავრობო ორგანიზაციები.