ხუდონჰესი – 35-წლიანი დილემა. წყარო: ლიბერალი

ჰიდროელექტროსადგური, რომლის აშენებაც უკვე 35 წელია თითქმის ყველა მთავრობისთვის დილემა იყო, ამჟამად ინდური კომპანია „ტრანსელექტრიკასა“ და საქართველოს ახალი ხელისუფლების ინტერესის საგანი გახდა. სახელმწიფოს სარგებელს ეკონომისტების ნაწილი და გარემოსდამცველები ეჭვქვეშ აყენებენ. ხაიშის თემის მოსახლეობის უმეტესობა ჰესის არსებული პარამეტრებით მშენებლობისა და გადასახლების წინააღმდეგია. პრემიერ-მინისტრისა და ენერგეტიკის მინისტრის აზრით კი, პროექტი ქვეყნისთვის „სტრატეგიულად მნიშვნელოვანია“.